तृशूर्- केरल-संस्कृत-अक्कादमीपुरस्कारः घोषितः। नाट्यकलाक्षेत्रे सेवामभिलक्ष्य २०२० तमवर्षस्य संस्कृतिपुरस्कारः श्रीमते पी-के० नारायणन् नम्प्यार् वर्याय, संस्कृते भाषापाण्डित्यप्रचारणक्षेत्रे सेवामादृत्य २०२१ तमवर्षस्य पुरस्कारः श्रीमते प्रोफ-कृष्णकुमार् वर्याय च दास्यति।

न्यायभूषणं पी- रामन् नम्प्यार् वर्यस्य नाम्नि तेषां शिष्यप्रवरेण के-टी- माधवन् वर्येण समायोजितः रामप्रभापुरस्कारः श्रीमते हरिप्रसाद् कटम्पूर् वर्याय दास्यति।
१०००० रूप्यकाणि, प्रशस्तिपत्रं फलकं च पुरस्कारे अन्तर्भवन्ति। अस्मिन् मासे २७ तमे दिनाङ्के तृशूर् साहित्य अक्कादमि-वैलोप्रिल्लि वेदिकायां पुरस्कारदानसमारोहः समायोक्ष्यते।