Monthly Archives: September 2017
वर्तमानार्थिकस्थितिम् अधिकृत्य चर्चा।
नवदिल्ली – वित्तमन्त्री अरुण् जेट्ली प्रावोचत् यत् प्रशासनं वर्तामानार्थिकस्थितिं निध्याय संवर्धनावश्यकतायै अतिरिक्तोपायान् समुत्थापयिष्यति। गतदिने मन्त्रमण्डलोपवेशनानन्तरं तेनोदीरितं यत् विगतदिनद्वये तेन सम्बन्धमन्त्रिभिः सचवैः च साकं विहितोपवेशने अर्थव्यवस्थाविषये चर्चा विहितास्ति। तेन सूचितं यत् डीसन्-पेट्रोल्-वात्येन्धनयोः संवर्धितमूल्यानि शीघ्रं न्यूनी भविष्यन्ति।
सामान्यविद्याभ्यासविभागेन साहित्यपुरस्काराः प्रख्यापिताः।
 नारायणन् नम्पूतिरिः |
 डो.सुनिलकुमार् |
तिरुवनन्तपुरम् – २०१७-१८ वर्षे संस्कृताध्यापकानां कृते सामान्यविद्याभ्यासविभागेन आयोजितायाःसंस्कृतसाहित्यरचनास्पर्धायाः पुरस्काराः प्रख्यापिताः। विजयिनः प्रान्तस्तरीय-संस्कृतदिनाघोषवेदिकायां पुरस्काराः स्वीकृतवन्तः।
कथारचना –
प्रथमस्थानम् – सतीदेवी, वेल्लनाटु, तिरुवनन्तपुरम्।
द्वितीयस्थानम् – लक्ष्मिक्कुट्टी, ओट्टप्पालम्।
तृतीयस्थानम् – राजेन्द्रः वयनाट्।
कवितारचना –
प्रथमस्थानम् – हरिप्रसाद् वि.टि, कण्णूर्।
द्वितीयस्थानम् – राजेन्द्रः, वयनाट्।
तृतीयस्थानम् – सविता, कण्णूर्।
उपन्यासरचना –
प्रथमस्थानम् – सुधाकरः, चेर्त्तला।
द्वितीयस्थानम् – मालिनी, ओट्टप्पालम्।
तृतीयस्थानम् – डो.सुनिलकुमार्, कासरगोड्।
समस्यापूरणम् –
प्रथमस्थानम् – डो. सुनिलकुमार्, कासरगोड्।
द्वितीयस्थानम् – राजेन्द्रः, वयनाट्।
तृतीयस्थानम् – नारायणन् नम्पूतीरि, वयनाट्
अर्थव्यवस्थायाः वृद्धेः उपायान् विधास्यति – अरुण् जेट्ली।
नवदिल्ली – वित्तमन्त्रिणा अरुण् जेट्लिना प्रोक्तं यत् वर्तमान-अर्थव्यवस्थायाः वृद्धेः विवर्धनार्थं यदि आवश्यकता भवेत् तर्हि प्रशासनम् अतिरिक्तान् उपायान् विधास्यति। असौ केन्द्रीय मन्त्रिमण्डलस्य उपवेशनानन्तरं वार्ताहरैः सम्भाषते स्म। तेन भणितं यत् असौ अर्थव्यवस्थया सम्बन्धैः मन्त्रिभिः सचिवैस्सह द्विदिवसाभ्यन्तरे मन्त्रणा विहिता।
मार्षल् अर्जन् सिंहस्य अन्त्येष्टिः।
नवदिल्ली – भारतस्य पूर्व वायुसैन्याधिकारिणो मार्षल् अर्जन सिंहाय अद्य कृतज्ञराष्ट्रेण अश्रूपूर्ण-श्रद्धाञ्जलिः समर्पितः। अर्जनसिंहस्य अन्त्येष्टिः दिल्ली-केण्टक्षेत्रस्य बरार-स्क्वयर-स्थले वायुसैन्यबलस्य युद्धविमानानाम् आकाशीयप्रयाणेन सह सञ्जाता। तस्य सम्माने नवदिल्ल्यां प्राशासनिक-भवनेषु अद्य राष्ट्रीयध्वजः अर्धावनतः विद्यते।
मातृभाषां शक्तीकर्तुं संस्कृतं पठतु – डो. विश्वास्।
कल्पट्टा-
मातृभाषायाः प्रबलीकरणार्थं संस्कृतपठनम् अनिवार्यमेवेति केन्द्र-साहित्य-अक्कादमी पुरस्कारजेता डो. एच्.आर्. विश्वास् महोदयः प्रावोचत्। केरलीय-सामान्यशिक्षाविभागेन आयोजिते प्रान्तस्तरीय-संस्कृतदिनाघोषे मुख्यभाषणं कुर्वन्नासीत् सः। केरल विधानसभायाः कल्पट्टा सामाजिकः श्रीमान्. सी.के. शशीन्द्रः कार्यक्रमस्यास्य उद्घाटनमकरोत्। जिल्लापञ्चायत् अध्यक्षा श्रीमती उषाकुमारी कार्यक्रमस्य अध्यक्षपदवीमलङ्कृतवती। पूर्वमेव सर्वेषां स्वागतमाशंस्य संस्कृतविभागस्य विशिष्टाधिकारिणी डो. टी.डी. सुनीतीदेवी महाभागा प्राभाषत।
भूतपूर्वः डी.ई.ओ. तथा संस्कृताध्यापकश्च श्रीमान् एन्.के. रामचन्द्रः वेदिाकायां समादृतः। सामान्यशिक्षा विभागस्य अतिरिक्तनिदेशकः श्रीमान् जिम्मी.के.जोस् महाशयः आमुखभाषणमकरोत्। जिल्ला पञ्चायत् सदस्याः जिल्ला उपजिल्ला शिक्षाधिकारिणः अध्यापकसंघटनानेतारश्च आशंसाभाषणमकुर्वन्। डो. सुरोष् बाबू महाशयस्य नैदेश्ये छात्राणां सांस्कृतिककार्यक्रमोपि आयोजितः आसीत्।
संस्कृताक्षराण्युपयुज्य16300000 पदानि निर्मातुम् शक्यते – डो. मुरलीधरः।
इरिंंगालक्कुटा – यदि आंगलभाषायां दशलक्षपदानि तर्हि संस्कृते अर्थपूर्णानि त्रिषष्ट्यधिक एककोटि पदानि लेखितुं शक्यते इति डो. वि.आर्. मुरलीधरः। इरिंंगालक्कुटायां विद्याभ्यासजिल्लास्तरीयस्य संस्कृतदिनाघोषस्य उद्घाटनं कृत्वा भाषमाणः डो. वि.आर्. मुरलीधरः कालटि सर्वकलाशालायांं साहित्यविभागस्य अध्यक्षः भवति।
उपजिल्लाधिकारी श्री भरतः, के.डि. बिजुः, बि.पि.ओ.श्री सुरेष् प्रभृतयः च भाषणं कृतवन्तः।
स्वच्छता एव सेवा – राष्ट्रपतिः।
राष्ट्रपतिः रामनाथकोविन्दः अद्य उत्तरप्रदेशे काणपुरे स्वच्छता एव सेवा इति राष्ट्रव्यापिकार्यक्रमस्य शुभारम्भो विधास्यति। असौ युगपदेव देशस्य सार्धद्विलक्ष-पञ्चायत्तेषु नगरेषु च स्वच्छता एव सेवा इति प्रतिश्रुतिं विधापयिष्यति। गण्यमान्यजनैः सामुदायिकसंघटनैः व्यक्ति-क्षेत्रसंघटनैश्च श्रमदानकार्यक्रमम् अनुष्ठास्यते। कार्यक्रमो∫यं गान्धिजयन्तीपर्यन्तं प्रचलिष्यति।
राज्यस्तरीय-संस्कृतदिनाघोषः।
कल्पट्टा – केरलेषु राज्यस्तरीय-संस्कृतदिनाघोषः सेप्तम्बर् मासस्य १६ दिनाङ्के वयनाडुजिल्लायां समायोजयति। अस्मिन् कार्यक्रमे प्रमुखस्य संस्कृतपण्डितस्य श्री रामचन्द्रमहोदयस्य कृते समादरणं, केन्द्रीय साहित्य पुरस्कारेणादृतस्य डो. एच्.आर् विश्वास् महोदयस्य मुख्यप्रभाषणञ्च प्रधानकार्यक्रमाः।
संस्कृतपण्डितस्य श्रीमतः रामचन्द्रमहोदयस्य कृते समादरः।
कल्पट्टा – केरलीय – संस्कृतमण्डले जाज्वल्यमानाय संस्कृतपण्डिताय श्री एन.के. रामचन्द्राय केरलीय–संस्कृतलोकस्य समादरणम्। १६–०९–२०१७ शनिवासरे रज्यस्तरीय–संस्कृतदिनाघोषस्य वेदिकायाम् आधुनिक–संस्कृतपण्डितेषु प्रमुखः, वयनाटु – विद्याभ्यासजिल्लाधिकारिस्थानात् विरामं प्राप्तः च अयं समाद्रियते इति वार्ता अस्माकं महतः सन्तोषस्य विषयः। रामचन्द्रमहोदयस्य कृते नववाण्याः सादरप्रणामः।
टोम् उषुन्नाल् पुरोहितः मुक्तः।
विश्रुतःक्रिस्तीयपुरोहितः टोम् उषुन्नाल् वर्यः भीकराणां बन्धनात् मुक्तः।२०१६ मार्च मासे यमन् देशे पर्यटनं कुर्वन् भीकरैः बद्धः उषुन्नाल् महाशयः सार्धैकवर्षं यावत् अतिक्रूरां पीडामन्वभवत्। भारतीय विदेशकार्यमन्त्रालयेन अस्य मुक्तिविषये बहुप्रयत्नं कृतम्। तथापि तस्य मुक्त्यभावात् आभारतं कैसतवसभा तथा मानवाधिकारसङ्घाश्च प्रतिषेधं कृतवन्तः। अधुना तस्य मोचने सर्वे तुष्टिं प्राकटयन्। विदेशकार्यमन्त्री श्रीमती सुषमा स्वराज् वर्या केरलमुख्यमन्त्री पिणरायि विजयश्च अस्य मोचने परितोषं प्रकटितवन्तौ।
