Daily Archives: September 24, 2017
षार्जा प्रशासकस्य पर्यटनम्।
षार्जा इति अरब् राष्ट्रस्य प्रशासकः डो. षेय्क् सुल्तान् बिन् मुहम्मद् अल् खादिमिवर्यः पञ्चदिवसीयपर्यटनार्थम् अद्य केरलदेशमागतः। कोच्चिन् विमानपत्तने मुख्यमन्त्रिणः पिणरायि विजयस्य नेतृत्वे मन्त्रिसभाङ्गैः तस्मै ऊष्मलं स्वीकरणमायोजितम्। सप्तम्बर् २४ तः २८ पर्यन्तं सः केरलेषु पर्यटनं विधास्यति। २५ तमे दिनाङके राजभवने राज्यपालेन सह मेलनं ततः मुख्यमन्त्रिणा अन्यैः मन्त्रिभिश्च सह साक्षात्कारश्च भविष्यति। तस्य कृते कोवलं लीला राविक्स् इति अट्टपुर्यां सांस्कृतिककार्यक्रमोपि आयोजितः वर्तते।
पाकिस्तानं प्रति सुषमास्वराजः।
नवदिल्ली – गतरात्रौ संयुक्तराष्ट्रमहासभायाः वार्षिकम् अधिवेशनं संबोधयन्ती विदेशमन्त्री सुषमास्वराजः भारतं विरुद्ध्य युद्धप्रोत्साहनार्थं प्रतिवेशिदेशः समाक्षिप्तः। श्रीमती स्वराजः अब्रवीत् यत् जगति आतङ्क-हत्यादीनां अमानवीयकृत्यानां कुख्यातः अधिनायकः देशः अद्य भारताय मानविकतायाः उपदेशान् प्रयच्छति।
