Daily Archives: September 14, 2017
राज्यस्तरीय-संस्कृतदिनाघोषः।
कल्पट्टा – केरलेषु राज्यस्तरीय-संस्कृतदिनाघोषः सेप्तम्बर् मासस्य १६ दिनाङ्के वयनाडुजिल्लायां समायोजयति। अस्मिन् कार्यक्रमे प्रमुखस्य संस्कृतपण्डितस्य श्री रामचन्द्रमहोदयस्य कृते समादरणं, केन्द्रीय साहित्य पुरस्कारेणादृतस्य डो. एच्.आर् विश्वास् महोदयस्य मुख्यप्रभाषणञ्च प्रधानकार्यक्रमाः।
संस्कृतपण्डितस्य श्रीमतः रामचन्द्रमहोदयस्य कृते समादरः।
कल्पट्टा – केरलीय – संस्कृतमण्डले जाज्वल्यमानाय संस्कृतपण्डिताय श्री एन.के. रामचन्द्राय केरलीय–संस्कृतलोकस्य समादरणम्। १६–०९–२०१७ शनिवासरे रज्यस्तरीय–संस्कृतदिनाघोषस्य वेदिकायाम् आधुनिक–संस्कृतपण्डितेषु प्रमुखः, वयनाटु – विद्याभ्यासजिल्लाधिकारिस्थानात् विरामं प्राप्तः च अयं समाद्रियते इति वार्ता अस्माकं महतः सन्तोषस्य विषयः। रामचन्द्रमहोदयस्य कृते नववाण्याः सादरप्रणामः।
