राज्यस्तरीयं संस्कृतदिनं ओक्टोबर् २९ दिनाङ्के तृशूर् संगीत नाटक अक्कादमी वेदिकायां आचर्यते। अस्य कार्यान्वयनाय स्वागतसंघस्य रूपवत्करणम् अद्य जातम्। अद्य तृशूर् सर्वकारीय आदर्श बालकोच्चतरविद्यालये आयोजिते संघाटकसमिति अधिवेशने एव निर्णयो जातः। तृशूर् मण्डलस्य शिक्षा उपनिदेशकस्य आध्यक्ष्ये आयोजिते अधिवेशने संस्कृतं विशिष्टाधिकारिणी डो. टी.डी. सुनीती देवी वर्या उदघाटयत्। चावकिकाट् इरिङ्ङालक्कुटा विद्याभ्यासमण्डलयोः शिक्षाधिकारिणौ उपजिल्ला शिक्षाधिकारिणश्च सन्निहिताः आसन्। मिथु अनितकुमारी, संस्कृतकार्यनिर्वहणसमितेः अङ्गं बिजु डी च आशंसां समार्पयताम्। संस्कृतसमितेः राज्य-कार्यदर्शी सुनिल् कुमार् स्वागतम् व्याहरत्। जिल्ला कार्यदर्शी इन्दु कृतज्ञतां च व्याजहार।
पण्डितसमादरणं मत्सरविजयिभ्यः पुरस्कारदानं संस्कृतं ह्रस्वचलचित्राणां कृते पुरस्कारसमर्पणम् इत्यादिकं कार्यक्रमस्य भागत्वेन आयोजयिष्यते।

कोच्ची- शबरिमला विषये केरलेषु वर्गीयध्रुवीकरणार्थं रा.स्व.से. संघः परिश्रमं करोति इति स्वामी अग्निवेश् वर्यः। अयमुद्यमः केरलं परित्यक्ष्यति। सर्वोच्चन्यायालयस्य विधि निर्णयः ऐतिहासिक एव। तं प्रावर्तिकं कर्तुं सर्वकारस्य उद्यमः अभिनन्दनीयः। विषये/स्मिन् काण्ग्रेस् दलस्य अभिप्रायं पुनश्चिन्तितुं राहुल् गान्धीवर्यस्य परिश्रमः आवश्यक इत्यपि स्वामी अवदत्।

     कश्चन नैष्ठिकब्रह्मचारी अय्यप्पः स्वदर्शनार्थम् आगन्तुकान् सर्वानपि स्वीकरिष्यति। स्वभक्तानां वयो-जाति-लिङ्गादिकं देवः न परिगणयति इत्यपि स्वामी अवोचत्।

दिल्ली- शबरिमला विधिनिर्णयमतिक्रान्तुं नियमनिर्माणस्य आवश्यकता नास्तीति राष्ट्रिय वनितायोगस्य अध्यक्षा रेखा शर्मा अवदत्। स्त्रीणां स्वातन्त्र्यहन्तारः नियमाः स्थायित्वं न प्राप्यन्ते इत्यपि सा उक्तवती।
विधिं विरुध्य स्त्रियः किमर्थं चत्वरेषु समरं कुर्वन्तीति नावगम्यते। ये इच्छन्ति ते एव तत्र गन्तुं पारयन्ति। न काः अपि अवश्यं तत्र प्रेषयन्ति। पुनः गन्तुमुद्यतानां प्रति प्रतिषेधः किमर्थम्। तत् तेषामधिकार एवेति रेखा शर्मा न्यगादीत्।

राय्पूर्- भारतीय अयो अधिष्ठानस्य भीलाय् यन्त्रागारे संजाते स्फोटने षट्जनाः मृताः १४ आहताः। आहताः चिकित्सालये प्रवेशिताः। कुजवासरे प्रातः १०.३० वादने चण्डीगडस्थे भीलाय् यन्त्रागारे एव स्फोटनमभवत्।

यन्त्रागारस्था वातकनालिकविस्फोटनेनैव स्फोटनं संजातम्। तस्य कारणम् इतःपरं नावगतम्। रक्षिदलस्य अग्निसेना विभागस्य ट नेतृत्वे रक्षाप्रवर्तनानी अनुवर्तन्ते।

न्यूयोर्क- केनियास्थं ड्रैस्टोण् ओमान् राष्ट्रस्थं पुरातननगरं, सौदी अरेभ्यास्थः मरुशाद्वलश्च विश्वपैतृकपट्टिकायां स्थानमलभन्। बह्रैन् राष्ट्रे सम्पन्ने ४२तमे विश्वपैतृक-समित्यधिवेशने एवेदं प्रख्यापनमभवत्।

     केनियायाः मिगोट्टी नगरस्य उत्तरपश्चिमदिशि स्थितं तिमिलिच् ओहिङ्गा इत्यभिधं शिलास्तूपं षोडशशतकस्य सृष्टिः भवति। ११-१५ शतकयोः मध्ये सजीवं स्थितानि ओमान्  पुरातन नौकास्थानपत्तनसमीपस्थानि अवशिष्टानि।

     पूर्व अरेभ्या उपद्वीपस्था मनोहरा सृष्टिर्भवति सौदी अल् अहस् मरुशाद्वलः। नदैः उद्यानैः कूपैः इतिहासप्रासादैः च आकर्षकं भवति अल् अहस्।

पत्तनंतिट्टा- महती वृष्टिर्भविष्यतीति जाग्रतानिर्देशे अपि रविवासरे मध्याह्नपर्यन्तं केरलेषु तादृशी वृष्टिः न जाता। परं मध्याह्नादूर्ध्वं सौदामिनीसहिता वृष्टिः केरलेषु प्रायः सर्वेषु प्रान्तेषु जाता। पूर्वाम्बरः मेघावृतो जातः। पश्चिमाम्बरस्तु शुभ्रमेघैराच्छन्नः दृश्यते।

केरलं तमिल्नाटु लक्षद्वीपः इत्येतेभ्यो राज्येभ्यो पर्यावरणविभागस्य सूक्ष्मनिर्देशो दत्तः। चक्रवातस्य रूपवत्करणम् अभिलक्ष्य राज्यानां मुख्यसचिवेभ्यो भरणनियन्त्रकाय च जाग्रता निर्देशो दत्तः। अयं निर्देशः त्वरितप्रेषकद्वारैव दत्तः। सागरद्वये अपि घनीभूतस्य मेघस्य संस्थितौ एव अतीव जाग्रता सूचना दत्ता।

पत्तनंतिट्टा- मुख्यमन्त्रिणा पिणरायि विजयवर्येण सह  समवायचर्चातः तन्त्रिपरिवारः प्रत्यगच्छत्। सर्वोच्चन्यायालये पुनः शोधनावेदनकार्ये निर्णयानन्तरं चर्चा आयोजनीया इत्येव परिवारस्य अभिप्रायः। शबरिमला तन्त्रिवर्यः कण्ठर् मोहनर् वर्यः कार्यमिदम् आवेदयत्। सोमवासरे तन्त्रिपरिवारेण सह मुख्यमन्त्री चर्चा आयोजिता आसीत्। श्वः पुनःशोधनावेदनं दास्यतीति सूचना अस्ति।

     पूर्वं देवस्वं मन्त्रिणा साकं चर्चा निर्णीता आसीत्। पुनः मुख्यमन्त्री स्वयमेव चर्चाचालनाय उद्युक्तः अभवत्। शबरिमलामन्दिरे स्त्रीणां प्रवेशविषये सर्वोच्चन्यायालयस्य निर्णयः प्रवृत्तिपथमानेतुं सर्वकारस्य प्रतिबद्धता अस्ति। मार्क्स्वादी साम्यवादी दलस्यापि अयमेवाभिप्रायः। परन्तु भक्तजनानां विरोधः समवायचर्चया परिहार्य ॆइति बुध्या चर्चा आयोजिता आसीत्।

नवदिल्ली-शबरिमलामन्दिरे स्त्रीणां प्रवेशः केनापि निरोद्धुं न शक्यते इति सर्वोच्चन्यायालयस्य भूतपूर्वः मुख्यन्यायाधीशः दीपक् मिश्रावर्यः अवदत्। नृणां यत्र प्रवेशानुमतिः वर्तते तत्र स्त्रीणामपि प्रवेशः अनिवार्यः भवति। कस्यचन धर्मस्य प्रार्थनायां केवलं स्त्रीणामुपस्थितिनिरोधः न शक्यते।
लिङ्गनीतये समरं कुर्वन् जनः इति प्रसिध्यां अहं तुष्यामि इत्यपि स अवदत्। शबरिमला व्यवहारविधौ प्रतिशेधस्य साहचर्ये एव दीपक् मिश्रा वर्यस्य प्रतिकरणम्।

तिरुवनन्तपुरम्- न्यूनमर्दं श्वः रुपं प्राप्स्यति इति चक्रवातसूचनाकेन्द्रस्य़ अवधानतानिर्देशः। लक्षद्वीपस्य समीपं रूपं प्राप्तः न्यूनमर्दः चक्रवातरूपेण परिवर्तनाय साध्यतां प्रवक्ति। ५० कि.मी. प्रतिहोरं वेगतायां वातः भविष्यतीत्यतः मत्स्यबन्धनार्थं सागरं गताः कर्मकराः प्रतिनिवर्तन्ताम् इति निर्दिष्टाः।

पूर्वं रविवासरात् प्रभृति न्यूनमर्दस्य साध्यता प्रतीक्षिता। परं श्वः एव भविता इत्यधुना सूचयति। न्यूनमर्दः चक्रवातरूपेण परिवर्त्य ओमान् तीरं प्रति प्रस्थास्यति।

नवदिल्ली- भारतीय़कृषकसंघः उत्तरप्रदेश-दिल्ली सीमायाम् आयोजितं समरं प्रत्यपाययत्। ह्यस्तने रात्रौ दिल्ली किसान् घट्टस्थले केचन कृषकाः प्रविष्टाः। ततः प्रातः समरस्य समाप्तिश्च जाता।
कार्षिक ऋणादाश्वास प्रभृतीनि निवेदनानि इतः पर्यन्तं नाङ्गीकृतानि। तथापि समरमवसितम्। तदन्तरे ह्यस्तने संजाते सङ्घर्षे भग्नानि ट्राक्टर् यानानि समीकृत्यैव प्रतिगच्छतीति केचन कृषकाः निरणयन्। ते तत्रैव तिष्ठन्ति।