Daily Archives: January 3, 2022
ओटक्कुषल् पुरस्कारं सारा जोसफ् महाभागायै दास्यति
तृशूर्- महाकवेः जि शङ्करक्कुरुप् वर्यस्य स्मरणार्थं गुरुवायूर् न्यासेन समायोजिताय ओटक्कुषल् पुरस्काराय अस्मिन् वर्षे सारा जोसफ् महाभागा अर्हा अभवत्। मातृभूमिः इति साप्ताहिक्यां खण्डशः प्रकाशितं बुधिनि इति नोवल् एव ५१ तमं ओटक्कुषल् पुरस्काराय ताम् अर्हामकरोत्।
३०००० रूप्यकाणि प्रशस्तिपत्रं फलकं च पुरस्कारे अन्तर्भवन्ति। महाकवेः शङ्करक्कुरुप् वर्यस्य ४४ तमे चरमवार्षिके -फिब्रवरि-२ दिनाङ्के डो एं लीलावतीवर्या पुरस्कारं दास्यति।
