Daily Archives: June 10, 2021
जालाधारिताध्ययनार्थम् अन्तर्जाललभ्यता- सेवनदातृभिः सह अद्य चर्चा
रुवनन्तपुरम्- अन्तर्जालसेवनदातृभिः सह मुख्यमन्त्रिणः चर्चा अद्य भविष्यति। प्रातः दशवादने आधिजालिकी भवति चर्चा। अङ्कीयशिक्षारंगे जालसंयोगसमस्यां चर्चितुमेव अधिवेशनम्।
अन्तर्जालस्य वेगसमस्या भूरिशान् छात्रान् बाधते इति विविधेभ्यः निरीक्षणेभ्यः व्यक्तं भवति स्म। ग्रामीणक्षेत्रे गिरिवर्गक्षेत्रे च एषा समस्या अधिका इत्य़तः अधुना परिहारार्थम् अधिवेशनम् आयोजयति।
सर्वेभ्यो आन्तरजालसंयोगे लब्धे एव आधिजालिकाध्ययनं प्रति पूर्णतया प्रवेशनं भविता इति सर्वकारः असूचयत्। छात्राणाम् अध्ययनाय आवश्यकी अन्तर्जालसुविधा न्यूनशुल्कं निश्शुल्कं वा प्रदेयमिति सर्वकारस्य अभ्यर्थनायमपि अद्य निर्णयः भविष्यतीति सूच्यते।
