Daily Archives: January 23, 2018
शिवसेना भा.ज.पा.घट्बन्धस्य अन्त्यम्, निर्वाचने शिवसेना पृथक् स्पर्धिता।
मुम्बै- २०१९ तमे वर्षे समभाव्यमाने लोक्सभा निर्वाचने शिवसेना दलम् एकान्तेन स्पर्धितुं निर्णयमकरोत्। मुम्बैयां आयोजिते दलस्य राष्ट्रियनिर्वाहकसमितियोगे एतदनुसृतस्य प्रमेयस्य अङ्गीकारो जातः। आगामिनि वर्षे जायमाने महाराष्ट्रा विधानसभानिर्वाचने/पि पृथक् स्पर्धितुं योगे निर्णयो जातः।
उद्दव् ताक्करे पुनः शिवसेना नेता भविता। तस्य पुत्रः तथा युवसेना नेता आदित्य ताक्करे दलस्य नेता च भविष्यति।
नूतन निर्णयानुसारं भा.ज.पा.नेतृत्वमापन्नात् राष्ट्रिय प्रजातन्त्र घट्बन्धनात् शिवसेना बहिरागमिष्यति।
श्वः केरलराज्ये यन्त्रयानानां कर्मन्यासः।
तिरुवनन्तपुरम् – अग्नितैलोत्पन्नानाम् अनियन्त्रितं मूल्यवर्धनं प्रतिषिध्य केरलराज्ये श्वः यन्त्रयानानां कर्मन्यासः आयोजितः। प्रातः षट्वादनतः सायं षट्वादनपर्यन्तमेव कर्मबन्धनम्। कर्मकरसङ्गाः कर्मस्वामिनश्च सम्भूय समरं कुर्वन्ति। केरल राज्य यातायात निगमस्थाः कर्मकराः अपि कर्मन्यासे भागं भजिष्यन्ति। महात्मगान्धी विश्वविद्यालये श्वस्तनाः परीक्षाः विलम्बिताः परीक्षायाः नूतनी समयसरणिः पृथक् सूचयिष्यति।
