Daily Archives: January 16, 2018
आगामिनि अध्ययनवर्षस्य कृते पाठपुस्तकवितरणम् आरब्धम्।
तिरुनन्तपुरम् – आगामिनि आध्ययनवर्षस्य विद्यालयीय पाठपुस्तकस्य वितरणं समारब्धम्। तिरुवनन्तपुरं कोल्लं, एरणाकुलं, मलप्पुरं,कोषिक्कोट्,कण्णूर् जनपदानां कृते एव अधुना वितरणं प्रतलति। मार्च् मासात् पूर्वं सर्वेषु विद्यालयेषु पुस्तकं प्रापयितुमुद्यम एवायम्। प्रथमभागत्वेन ३.२ कोटि पाठपुस्तकानि आवश्यकानि। मुद्रणम् अन्तिमे घट्टे भवति। सार्धैककोटि परिमितानां पुस्तकानां प्रबन्धनप्रवृत्तिः पुरोगच्छति। सर्वेषु विद्यालयेषु के.बी.पि.एस्. संस्था पुस्तकानि प्रापयति।
ऐतिहासिकं मुहूर्तं, ताजमहल् मन्दिरस्य पुरतः नेतन्याहू पत्नी च।
आग्रा – भारत-इस्रायेल् सौहृदस्य नूतनं परिमाणं दत्वा इस्रायेल् प्रधानमन्त्री बञ्चमिन् नेतन्याहू तस्य पत्नी सारा च ताजमहल् सन्दर्शितौ। ताजमहलस्य पुरतः शुभ्रशिला आसन्दे उपविश्य छायाचित्रं स्वीकृत्य द्वावपि प्रतिनिवृतै।
षड्दिवसीयं भारतसन्दर्शनं कर्तुं ह्यः आगतौ नेतन्याहू पत्नी सारा च अद्य ११.१५ वादने उत्तरप्रदेशं प्राप्तौ। मुख्यमन्त्री योगी आदित्यनाथः आगत्य ताजमहलस्य इतिहासप्राधान्यं वास्तुविद्यावैभवं च नेतन्याहूं परिचितवान्।
पञ्चदशवर्षानन्तरमेव इस्रायेल् प्रधानमन्त्री भारतमायाति। २००३ सेप्तम्बर् मासे तदानीन्तन प्रधानमन्त्री एरियल् षारोण् वर्यः भारतं सन्दर्शितवानासीत्।
