नार्यो राष्ट्रस्य सम्पदः – 03-03-2018
नूतनी समस्या-
“नार्यो राष्ट्रस्य सम्पदः”
ഒന്നാംസ്ഥാനം
वनस्य सम्पदो वृक्षाः
गावश्च गृहसम्पदः।
सुपुत्राः परिवारस्य
नार्यो राष्ट्रस्य सम्पदः।।
पुरुषोत्तमः वेल्लञ्चिरा
“അഭിനന്ദനങ്ങള്”
-
Online Magazines
किं वा करोति यूनाः
राष्ट्रे सर्वत्र वनिताः।
मा विस्मर इदं वाक्यं
नार्यो राष्ट्रस्य सम्पदः।।
कया संरक्ष्यते वंशः?
मनुजाः कस्य सम्पदः?
वद किं लोभिनां प्राणाः?
नार्यो राष्ट्रस्य सम्पदः।।
महत्यः सम्पदो गावः
कृषिकर्मणि सर्वदा।
भारतीयस्य सङ्कल्पे
नार्यो राष्ट्रस्य सम्पदः।।
तेरेसा पूजनीयासीत्
झान्सी राणी तु विश्रुताः।
मैवं मा विस्तरः कार्यो
नार्यो राष्ट्रस्य सम्पदः।।
ഒന്നാംസ്ഥാനം
वनस्य सम्पदो वृक्षाः
गावश्च गृहसम्पदः।
सुपुत्राः परिवारस्य
नार्यो राष्ट्रस्य सम्पदः।।
അർത്ഥ സമ്പന്നം…
अबलाश्चबलाश्चेति
नार्यस्तु बहुधा स्मृताः।
किं मृषा भाषणैः तास्तु
नार्यो राष्ट्रस्य सम्पदः।।
രണ്ടാംസ്ഥാനം
गोपानामिव गावश्च
जलानां मधुरस्तथा।
सौगन्ध इव पुष्पाणां
नार्यो राष्ट्रस्य सम्पदः।।
विना नारीं कुतो राष्ट्रं
कुतो नारी नरं विना।
तथापि ताश्च सम्पूज्याः
नार्यो राष्ट्रस्य सम्पदः।।
മൂന്നാംസ്ഥാനം
कस्याः कुलप्रदीपत्वं?
सेना कस्यावने रता?
न मादयन्ति का धीरं
“नार्यो राष्ट्रस्य सम्पदः”॥
ध्रियते हि कया गर्भो
नाम कस्यास्ति भारतम्।
विपदः का विलोमे स्युर्
“नार्यो राष्ट्रस्य सम्पदः” ॥
“नार्यो राष्ट्रस्य सम्पदः” इति सम्पादितोयमधुना साधुतां भजते।