Monthly Archives: June 2026
धन्यं मामकजीवितम् (भागः 449) 27-06-2026
EPISODE – 449
नूतना समस्या –
“धन्यं मामकजीवितम्”
प्रथमस्थानम्
“പരദുഃഖം ഹി മേ ദുഃഖം
പരസുഖം ച മേ സുഖം
സമത്വപൂർണ ലോകശ്ചേത്
ധന്യം മാമക ജീവിതം”
Narayanan N
“अभिनन्दनानि”
पुस्तकं मम जीवनम्
अज्ञाननाशकं नित्यं
विज्ञानाब्धिप्रवर्धकम्
सज्जनानां प्रियं मित्रं
पुस्तकं मम जीवनम् ॥
जिज्ञासावर्धकं .नित्यं
पठनाय प्रचोदकम् ।
गुरुणां चाथ शिष्याणां
पठने तु सहायकम् ॥
चित्तविनोदकं तत्तु
नित्यमेकान्तमित्रकम् ।
अज्ञाननाशकं तत्तु
विज्ञानस्य प्रवर्धकम् ॥
अज्ञानतिमिरं हत्वा
कुरुते ज्ञानवर्धनम्
चित्तरोगविनाशाय
पुस्तकमुक्तमौषधम् ॥
यशो ददाति कर्तृभ्यो
धनञ्चानन्दसागरम् ।
पुस्तकं सर्वरत्नेषु
प्रथमं परिकीर्तितम् ॥
निश्शब्दं स्वपिति कोशे
ज्ञानसागरमुत्तमम् ।
येन तु बुध्यते तस्मै
दीयते ज्ञानसौभगम् ॥
पदवाक्यसमूहेन
कुरुते चित्तसौष्ठवम् ।
अत एवोच्यते प्राज्ञैः
पुस्तकमुत्तमौषधम् ॥
चित्तसन्तापवेलासु
मित्रसम्मितरूपि यत् ।
पुस्तकमात्ममित्रं स्यात्
तस्मात् मामकजीवनम् ॥
अन्धकारे यथा दीपः
चान्धस्य तु सहायक : ।
तथा तत् कुरुते नित्यं
साहाय्यं सर्वसम्मतम् ॥
सज्जनानां तु सर्वेषां
जीवितायोधने सदा ।
साहाय्यकरणादेव
पुस्तकमुत्तमायुधम् ॥
संसारसागरं तर्तुं
मानवस्य सहायकम् ।
पुस्तकं नौरिव नित्यं
ज्ञानाब्धेस्तु प्रतारकम् ॥
द्वेषक्रोधादिहेतोश्च
चित्तं कलुषितं भवेत् ।
तादृशस्य तु चित्तस्य
पुस्तकं व्याधिहारकम् ॥
तैलाद्रक्ष जलाद्रक्ष
रक्ष तत् श्लथबन्धनात् ।
इत्येवं चिन्तनीयं मे
रक्षायै पुस्तकस्य च ॥
पुस्तकानि चासंख्यानि
वर्तन्ते चापणेषु किम् ?
उत्तमानि च द्वित्राणि
क्रीणाम्यद्य यथोचितम् ॥
विजयन् वि पट्टाम्पि ॥
योगो देहसुखात्मकः (भागः 448) 20-06-2026
EPISODE – 448
नूतना समस्या –
“योगो देहसुखात्मकः”
प्रथमस्थानम्
“नराणां बालकानाञ्च
नारीणां गृहमेथिनाम् ।
आबालवृद्धवर्गाणां
योगो देहसुखात्मकः” ॥
Ramachandran
“अभिनन्दनानि”
स्त्रीयात्रा चास्तु सौख्यदा (भागः 447) 13-06-2026
EPISODE – 447
नूतना समस्या –
“स्त्रीयात्रा चास्तु सौख्यदा”
प्रथमस्थानम्
“നാരീണാം പൂജനം യത്ര
തുഷ്യന്തി തത്ര ദേവതാ:
വിനാ ശുല്കേന ബസ് യാനേ
സ്ത്രീയാത്രാ ചാസ്തു സൗഖ്യദാ”
Bhaskaran N K
“अभिनन्दनानि”
वृक्षः पुत्रसमः स्मृतः (भागः 446) 06-06-2026
EPISODE – 446
नूतना समस्या –
“वृक्षः पुत्रसमः स्मृतः”
प्रथमस्थानम्
“छायादानेन सर्वेभ्यः
प्रकृतेः रक्षणेन च ।
सफलश्चोन्नतो हन्त
वृक्षः पुत्रसमः स्मृतः” ॥
Vijayan V Pattambi
“अभिनन्दनानि”
नवाध्ययनवर्षशुभाशंसा:
बालका बालका मामकप्रिया:
भारतस्य भाविकालवीरपूरुषा:
पाठशाला: घाटिताः वर्णमोहना:
भिन्नवर्णैः लेपिता: कौतुका वहा:।
तत्र तत्र गच्छत मित्रकै: सह
तोषपूर्वं पठत सर्वे संस्कृतं महत्
सुगमरीत्या भवतु यूयं चोत्तमोत्तमाः
भवतु प्रगतिरत्र जीवनेषु सर्व जीविनाम्॥
Vijayan V Pattambi
