प्रिट्टोरिया – आतिथेयराष्ट्रं दक्षिणाफ्रिक्कां विरुद्ध्य त्रिराष्ट्रीय क्रिक्केट् क्रीडायाः अन्तिमस्पर्धायां  भारतस्य सुवर्णकिरीटः। सञ्जु सांसण्, करुण् नायर्, श्रेयस्, बेसिल् तम्पी इति चतस्रः केरलीयाः भारतस्य विजयस्य कारणभूताः  अभवन्। स्कोर् – दक्षिणाफ्रिक्का ५० ओवर् ७-२६७, भारतं ४६.५ ओवर् ३-२७०

तिरुवनन्तपुरम् – ब्लू-वेयिल् इति वेब् क्रीडा अत्यन्तं विनाशकारीति केरलस्य आरक्षकदलाध्यक्षः अवदत्। तत्रान्तरे इमां क्रीडां निरोधयितुं   केन्द्रीय-सर्वकारं प्रति अभ्यर्थयिष्येति मुख्यमन्त्रिणा श्री पिणरायि विजयेन प्रोक्तम्। अनया  क्रीडया अनेकाः तरुणाः इतपर्यन्तं आत्माहुतिं कृतवन्तः इति कारणतः अधिकारिणां सत्वरश्रद्धा अस्मिन् विषये आवश्यकी भवति।

नवदिल्ली – राष्ट्रं महता समुल्लासेन संस्कृतसप्ताहं परिपालयति। अस्मिन् अवसरे प्रधानमन्त्रिणा श्रीनरेन्द्रमोदिना स्वीये संस्कृतसन्देशे प्रोक्तं यत् भारतस्य समृद्धः संस्कृतिः संस्कृते अस्ति। संस्कृतस्य सर्वेभ्यः अध्येतृभ्यः मम हार्द्दिक-शुभकामनाः इति।

कोषिक्कोट्  – समाजे स्त्रीणां तुल्यपरिगणना आवश्यकी। वनिताः प्रति बहुमानं प्रदर्शयितुञ्च पुरुषाः सन्मनोभावाः भवितव्याः इति युव-ऐ.पि.एस् अधिकारिणा मॆरिन् जोसफेन प्रोक्तम्।

बांगलूरु – देशीयतासङ्कल्पस्य अतितीव्रसांस्कारिकप्रतिबद्धता असहिष्णुतायाः धार्ष्ठ्यस्य च मिश्रितदेशभक्तेः कारणः भविष्यति इति स्थानगतः पूर्वतन-उपराष्ट्रपतिः श्री हामिद्-अन्सारिः अवदत्। अनेन इदमपि प्रोक्तं यत् – यत्र व्यत्यस्तस्य शब्दस्य स्थानमस्ति, तत्रैव रूढं  जनाधिपत्यमस्तीति वक्तुं शक्यते ।

नवदिल्ली – उपराष्ट्रपतित्वेन निर्वाचितः वेङ्कय्या नायिडुः शुक्रवासरे शपथवचनम् अङ्कीकरिष्यति। असौ मोहम्मद्-हामिद्-अन्सारिणः स्थानं ग्रहिष्यति। गतदिने सम्पन्ने उपराष्ट्रपतिनिर्वाचने विपक्षस्य गोपालकृष्णगान्धिना चतुर्चत्वारिंशदधिकं मतानि, श्रीमता वेङ्कय्या-नायिडुना षोडशोत्तरपञ्चशतं मतानि च अधिगतानि।

नवदिल्ली – अर्थशास्त्री राजीवकुमारः नीत्यायोगस्य नूतनोपाध्यक्षो भविष्यति। राजीवकुमारेण ओक्स्फोर्ड् विश्वविद्यालयात् डी.फिल् उपाधिः अधिगता। असौ नीत्यनुसन्धानकेन्द्रे सम्प्रति कार्यनिरतो वर्तते।

नवदिल्ली – भारतेन प्रोक्तं यत् चीनेन सह डोकलामक्षेत्रे प्रवर्तमान गतिरोधः सम्भाषणमाध्यमेन उपाकरिष्यते अत च युद्धं नैवास्ति समस्यायाः समाधानम्। गतदिने राज्यसभायां परिचर्चावधौ लघुप्रश्नमेकम् उत्तरत्या विदेशमन्त्रिणा सुषमास्वराजेन प्रोक्तं यत् भारत-चीनासीम्नि शान्तिसन्धारणं द्विपाक्षिकसम्बन्धानां विकासार्थम् आवश्यकमस्ति।

नवदिल्ली – विद्यालयेषु अष्टमकक्ष्यापर्यन्तं प्रवर्तमानायाःछात्राणाम् उत्तीर्णता-अनवरोधनीतेः अपसारणं केन्द्रीयमन्त्रिपरिषदा निर्णीतम्। अनया रीत्या विद्यालयेषु इतःपर्यन्तं  पठनविमुखानां छात्राणामपि उत्तीर्णता सुनिश्चितासीत्। अयं निर्णयः  विद्यालयपठनान्तरीक्षं सजीवं कर्तुं उपकारकं भविष्यतीति अभिज्ञाः वदन्ति।