नवदिल्ली- शनिवासरे सम्पत्स्यमाने गणतन्त्रदिवसीयसञ्चलने अस्मिन् वर्षे केरलस्य निश्चलदृश्यं न भविता। नवोत्थानस्य आशययुक्तं निश्चलदृश्यमेव केरलेन प्रस्तोतुं निश्चितमासीत्। वैक्कं सत्याग्रहप्रभृतीनां इतिहासघटनानां सूचनामनुबन्ध्य आयोजितमिदं निश्चलदृश्यं प्रस्तोतुम् अन्तिमनिमेषे प्रतिरोध मन्त्रालयेन अनुमतिः निषिद्धा।

     राष्ट्रे षोडशराज्यानि अस्मिन् वर्षे गणतन्त्रदिवसीयसञ्चलने भागं गृह्णन्ति। राज्यानां प्रथमपट्टिकायां केरलस्यापि स्थानमासीत्। परन्तु अन्तिमघट्टे अवतरणानुमतिः निषिद्धा।