नवदिल्ली- प्रलयदुरिते आप्लाव्यापि रक्षाप्रवर्तनेषु दुरित-समाश्वासप्रवर्तनेषु च केरलराज्येन प्रकटितां धीरतां राष्ट्रपतिः प्राशंसयत्। केन्द्र-राज्यसर्वकारयोः एकीभूय प्रवर्तनेन इदं साध्यमभवत्।

     केरलानां कृते आराष्ट्रं जनानां सहयोगः भविष्यति इति स न्यगादीत्। तेन इदमपि निगदितं यत् केरलमुख्यमन्त्रिणं केरलराज्यपालं च दूरवाणीद्वारा असकृदाहूय केरलस्थाः स्थितिगतयः अवगताः इति। वर्षाप्रलयात् तरितुं एकीभूय तिष्ठतां केरलीयानां निश्चयदार्ढ्यं प्रशंसनीयमेव। रक्षाप्रवर्तनानाम् एकोपनं कुर्वद्भ्यः केन्द्रिय-दुरन्तनिवारण-सेनाभ्यः केन्द्र-राज्यस्तरीयेभ्यः कर्मकरेभ्यश्च स आशंसां व्याहरत्।