तिरुवनन्तपुरम- महावृष्टिपातेन दुरितमनुभूयमानाना जनानां सान्त्वनाया यतमानेषु सत्सु समाजमाध्यमेषु व्याजप्रचारणं कुर्वतः जनान् विरुध्य कठिनान् नियमव्यवहारान् स्वीकरिष्यति इति मुख्यमन्त्री पिणरायि विजयन् वर्यः अवदत्। एतादृशानि प्रचारणानि प्रत्यभिज्ञातुं जनाः प्रभवेयुः। यथार्थसूचनाः अनुगन्तुं समाजः सज्जः भवेदित्यपि स न्यगादीत्।

जनान् परिभ्रान्तान् क्रियमाणानि प्रचारणानि गौरवरूपेण पश्यति। मुल्लप्पेरियार् प्रभृतयःजलभन्धाः बलक्षयेन भग्नाः भविष्यन्तीति रूपेण प्रचारणं समाजमाध्यमेषु प्रचलन्ति। परन्तु एतेषां जलबन्धानां कापि हानिः न भवति इति मुख्यमन्त्री अवदत्।