भवन्तु छात्राः पठनेषु तृप्ताः। – वि. विजयन् पट्टाम्बि।
विद्यालयीयो नववर्ष एषः
समागतो हर्षभरेण वेगात्।
सुखेन सर्वे प्रविशन्तु तानि
विद्यागृहाणि बहुसुन्दराणि।।
पठन्तु ते संस्कृतपाठजालं
धर्माश्रितं साधुजनैश्च पाठ्यम्।
वाणी नवेयं तवमित्रतुल्या
सहायिका स्यात् पठनेषु नित्यम्।।
इदं च aap संस्कृतबन्धुतुल्यं
सुनिर्मितं संगमग्राममुख्यैः।
कुर्वत् सुपाठ्यं सुकरं च सर्वं
प्रशोभते सर्वकरेषु नित्यम्।।
पठन्तु बालाः ललितां स्वभाषां
कथाप्रपञ्चेन विभूषितां ताम्।
सुभाषितानां मधुना च मत्ताः
भवन्तु छात्राः पठनेषु तृप्ताः।।
uthamam asthi
sundaram… lalitham…
,,,👏👏👏