नवदिल्ली- राष्ट्रे पञ्चाशत् तमः मुख्यन्यायाधीशः ज- डी वै चन्द्रचूडः भविता। अस्यां पदव्यां चन्द्रचूडं नियुज्य घोषिते आदेशे राष्ट्रपतिना द्रौपदी मुर्मू वर्यया हस्ताक्षरम् अङ्कितम्। विरम्यमाणः मुख्यन्यायाधीशः यु यु ललित् वर्यः ज-चन्द्रचूडं नामनिर्देशं कृतवानासीत्।

नवम्बर् मासस्य अष्टमतिथावेव ज- यु यु ललित् वर्यस्य विरामः भविष्यति। तद्दिने एव ज-चन्द्रचूडः मुख्यन्यायाधीशत्वेन सत्यशपथं ग्रहीष्यति।