तिरुवनन्तपुरम्- कोन्नी स्थले प्रवर्तमाने पोपुलर् फिनान्स् इति संस्थाने प्रवृत्तम् आर्थिकनिर्वादमभिलक्ष्य संस्थायाः स्वामिनौ गृहीतौ। प्रबन्धकनिदेशकः तोमस् डानियेल् तस्य पत्नी तथा प्रबन्धकसहयोगी च प्रभा डानियेल् इत्येतौ चङ्ङनाश्शेरि स्थले आरक्षिभिः गृहीतौ इति मुख्यमन्त्री वार्ताहरसम्मेलने असूचयत्।

इमं व्यवहापमन्वेष्टुं पत्तनंतिट्टामण्डलस्य आरक्षिदलाधिकारिणः के.जी. सैमण् वर्यस्य नेतृत्वे २५ अङग अन्वेषणसंघः रूपीकृतः इत्यपि मुख्यमन्त्री अवदत्। दक्षिणमेखला आरक्षिदलनेत्री श्रीमती हर्षिता अट्टल्लूरी वर्या अन्वेषणप्रगतिम् अवलोकयिष्यति। अस्य आर्थिकनिर्वादस्य प्रभावः विदेशेष्वपि वर्तते इत्यतः इन्टर् पोल् इत्यन्वेषणसंधस्य साहाय्यमपि मार्गयतीत्यपि मुख्यमन्त्री अवदत्।

कोन्नी वाकयार् आस्थानत्वेन प्रवृत्तमानायाम् अस्यां संस्थायां २००० कोटि रूप्यकाणां आर्थिकनिर्वादमस्तीति आरक्षिदलेन सूचितम्।