वटकरा- मार्जारशाबकानां वानरस्य च कथया छात्राणां प्रियङ्करी अभवत् सायिश्वेता नामिका अध्यापिका। सोमवासरे सद्यस्कसेवाद्वारा विद्यारम्भं विधास्यन्ती प्रथमकक्ष्याछात्राणां कृते विक्टेर्स चानल् द्वारा एव सा कक्ष्यां गृहीतवती। वटकरा पुरमेरी मुतुवटत्तूर् वी.वी,एल्.पी. विद्यालये अध्यापिका भवति सायिश्वेता।

अध्यापने केवलम् एकवर्षीयः अनुभव एव तस्या अस्ति। तथापि अवतारणं श्रेष्ठमासीत्। अत एव बालकानां रक्षाकर्तृणां च मनांसि सा हठादाचकर्ष। सा छात्राणां पुरतो स्थित्वा एक कक्ष्यां प्रचालयतीति प्रतीतिः गृहेषु सर्वेषां मनसि जाता।