उत्कृष्टाभिनेता, यः नैकदशाब्दपर्यन्तम् अस्माकं मनोरञ्जनम् अकरोत्, राष्ट्रिय-नाट्य-विद्यालयस्य विद्यार्थी, सर्वेषाञ्च निदेशकानाम् अभीष्टः कलाकारः इरफ़ान् खान् वर्यः मृतिमुपगतः। जठरार्बुदबाधितः स चिकित्सायामासीत्। मुम्बै कोकिल बेन् धीरुभाय् अम्बानि चिकित्सालये अद्य प्रातः आसीत् मृत्युः। स ५३ वयस्कः आसीत्।

२०११ तमे वर्षे पद्मश्री पुरस्कारः, २०१२ तमे वर्षे पान्सिङ् तोमर् इति चलचित्रे अभिनयाय राष्ट्रियपुरस्कारश्च अनेन प्राप्तः। चलचित्राभिनयं विना नाटकेषु धारावाहिनीषु च स स्वकीयां प्रतिभां प्राकटयत्।