कोच्ची- केरले प्रथमं कोविड् मरणम् आवेदितम्। ६९ वयस्कः मट्टाञ्चेरि देशीयः एव मृतः। कलमश्शेरि वैद्यकीयकलालयस्थे चिकित्सालये चिकित्सायां तिष्ठन्नेव स मृतः।

मार्च्- १६ दिनाङ्के दुबाई राष्ट्रात् प्रत्यागतः अयं २२ दिनाङ्के पृथक्करण विभागं नीतः आसीत्। अस्य पत्नी अपि रुग्णा भवति। दुबाई तः आगते विमाने अन्ये ४० यात्रिकाः आसन्। ते सर्वे निरीक्षणे सन्ति।

हृद्रोगेण रक्तसम्मर्देन च चिकित्सायामासीत् परेतः।