कोयम्पत्तूर्- बंगलूरुतः एरणाकुलं प्रस्थितं केरल-राज्य-परिवहणनिगमस्य अतिविशिष्टबस् यानं अपघाते पतितम्। कोयम्पत्तूर् समीपे अविनाशिस्थले एव अपघातः संवृत्तः। केरलात् तमिल् नाटुं प्रति प्रस्थितं भारवाहियानं बस् यानेन संघट्टितम्। बस्यानस्य चालकः नियन्त्रकश्च अपघाते मृतौ। मृतेषु स्त्रियः अपि सन्ति। २३ जनाः व्रणिताः। व्रणितान् तिरुप्पूरे चिकित्सालयं प्रावेशयत्।

केरलात् मन्त्रिणः उन्नतकर्मचारिणश्च तिरुप्पूरं प्रति प्रस्थिताः। अपघाते मुख्यमन्त्री पिणरायि विजयः अनुशोचनं प्राकटयत्। रक्षाप्रवर्तनाय सर्वा व्यवस्था कल्पिता इति मुख्यमन्त्री अवदत्।