तिरुवनन्तपुरम्- सर्पदंशनेन तिरुवनन्तपुरं वैद्यकीयकलाशालाचिकित्सालयं प्रवेशितस्य सुप्रसिद्धव्यालग्राहिणः वावा सुरेष् वर्यस्य स्वास्थ्यावस्थायाम् ईषत् पुरोगतिरस्तीति चिकित्सालयाधिकृताः असूचयन्। परन्तु अपघातावस्था अतिक्रान्ता इति वक्तुं न शक्यते। चिकित्सालये तीव्रपरिचरणविभागे प्रवेशितस्य तस्य स्वास्थ्यमधिकृत्य ७२ होरानन्तरमेव किमपि वक्तुं शक्यते इत्यधिकारिणः अवदन्।

गते गुरुवासरे एव व्यालग्रहणसमये व्यालेन दष्टं तं चिकित्सालयं प्रावेशयत्। पत्तनापुरे कस्मिंश्चित् गृहे सर्पः दृष्टः इति दूरवाणीसन्देशानुसारं तत्र गत आसीत् वाव सुरेष्।