तिरुवनन्तपुरम्- केरले पञ्चसु विधानसभाक्षेत्रेषु अस्य मासस्य २१ तमे दिनाङ्के  निर्वाचनं प्रवृत्तमासीत्। अस्य मतगणना अद्य सञ्जाता। एषु ऐक्य०लोकतान्त्रिक सख्यं (यु.डी.एफ्) त्रिषु मण्डलेषु तथा वामपक्षीय लोकतान्त्रिकसख्यं (एल्.डी.एफ्) द्वयोः मण्डलयोः च विजयिनौ जातौ।

     मञ्चेश्वरम्, एरणाकुलम्, अरूर् मण्डलानि ऐक्यलोकतान्त्रिकसख्येन विजितानि। एषु मञ्जेश्वरे मुस्लीं लीग् दलम् तथा एरणाकुलम् अरूर् मण्डलयोः कोण्ग्रेस् दलं च विजयमवाप।

     कोन्नी वट्टियूर्क्काव् मण्डलयोः वामपक्षीय-लोकतान्त्रिक सख्यस्थौ मार्क्सवादी साम्यवादी दलस्य प्रत्याशिनौ विजयिनौ अभवताम्।