श्रीहरिक्कोट्टा- राष्ट्रस्याभिमानभूतः चन्द्रयान्-२ उपग्रहः भूमेः भ्रमणपथमायातः। सोमवासरे मध्याह्ने २.४३ वादने श्रीहरिक्कोट्टायां सतीष् धवान् शून्याकाशकेन्द्रे आसीत् अस्य विक्षेपः।
विक्षेपानन्तरं षोडशे निमेषे चन्द्रयान्-२ विक्षेपयानात् पृथक् जातम्। अनेन विक्षेपः विजयकर इत्यतः शास्त्रज्ञाः आह्लादं प्रकटितवन्तः। चन्द्रयान् -२ उपग्रहस्य प्रयाणम् उचितदिशि एवेति भारतीय-शून्याकाश-गवेषणकेन्द्रस्य अधिकारिभिः सूचितम्।