Monthly Archives: August 2026
*कुर्महे संस्कृतभाषणम्* (संस्कृतदिनस्य शुभावसरे संस्कृत वन्दनम् )
भाषास्तु विविधा : सन्ति
प्रथमं तत्र संस्कृतम् ।
विश्रुतं सर्वलोकेषु
सर्वचित्तप्रचोदकम् ॥
भाषणं मघुरं कर्तुं
सर्वान् कर्षयितुं तथा ।
समर्थं संस्कृतं ब्रूमः
स्पष्टोचारसमर्थकम् ॥
काव्यमाधुर्यपानार्थं
शास्त्रतत्त्वस्य सिद्धये ।
पठतात् संस्कृतं मित्र !
भाषारत्नसमं हि तत्॥
संस्कृतं ललितं धन्यं
विज्ञानस्य महाम्बुधि:।
देवभाषेति प्रख्यातं
संस्कृतं मम जीवनम् ॥
वेदेतिहासशास्त्राणां
लेखनाय प्रयोजितम् ।
नटराजस्य ढक्कातः
गलितो शब्दसागर : ॥
शङ्का नैवास्तु चित्तेषु
दोषभाषणभीस्तथा ।
करोतु चोत्तमैनैव
संस्कृतेन भाषण म् ॥
लेखनं श्रूयते व्यक्ते :
स्वत्वस्यापि प्रकाशकम् ।
यदि संस्कृतेन कुर्यास्ते
यशसो वर्धकं हि तत् ॥
सौम्यं शान्तं तथा दीप्तं
भानुतुल्यप्रकाशकम्
भाषणे लेखने कुर्यात्
संस्कृतं सर्ववन्दितम् ॥
अमृतां तां महावाणीं
वेदार्थसारगुम्फिताम् ।
स्वीकुरु तव सौख्याय
सज्जन !साधुधीमते ॥
भाषाणां जननी चैतत्
संस्कृतं सर्ववन्दितम् ।
अभ्यासेनैव जायेत
सर्वभाषाप्रयोगकः ॥
विनयं शान्तभावञ्च
नैपुणीः धर्मचिन्तनम्
सर्वं हि वर्धते नित्यं
सर्वं संस्कृतसाधकम् ॥
ज्ञातुं च पैतृकं स्वस्य
वेदेतिहासवाङ्मयम् ।
पठन्तु संस्कृतं सर्वे
देशभक्तिप्रवर्धकम् ॥
लज्जां त्यक्त्वा प्रयत्नेन
यततां संस्कृतभाषणे ।
भाषेयं भाषणादेव
जायेत रसनास्थिता ॥
भाषणद्वर्धते बुद्धिः
संस्कृतिश्च यशस्तथा ।
पुनः व्यक्तिविकासश्च
सर्वं संस्कृतचोदकम् ॥
संस्कृतं मृतभाषेति
प्रमूढैरुच्यते भुवि ।
अज्ञातैश्चानभिज्ञैश्च
संस्कृतस्यास्य माधुरी
संस्कृतस्य दिने चास्मिन्
कुर्म: शपथमुत्तमम् ।
महता संस्कृतेनैव
कुर्महे हितभाषणम् ॥
Vijayan V Pattambi
संस्कृतस्य दिनं महत् (भागः 458) 29-08-2026
EPISODE – 458
नूतना समस्या –
“संस्कृतस्य दिनं महत्”
प्रथमस्थानम्
“സമാചരന്തി സാമോദം
ദേവഭാഷാഭിമാനിന:
ശ്രാവണേ പൂർണിമായാം ഹാ!
സംസ്കൃതസ്യ ദിനം മഹത്”
Atheetha
“अभिनन्दनानि”
त्यागिवर्यो महाबलिः (भागः 457) 22-08-2026
EPISODE – 457
नूतना समस्या –
“त्यागिवर्यो महाबलिः”
प्रथमस्थानम्
“महाशक्तो महाधीमान्
महनीयकलानिधिः ।
केरलानान्तु सौभाग्यं
त्यागिवर्यो महाबलि:”||
Nidheesh
“अभिनन्दनानि”
हस्तः श्रावणसूचकः (भागः 456) 15-08-2026
EPISODE – 456
नूतना समस्या –
“हस्तः श्रावणसूचकः”
प्रथमस्थानम्
“हस्तादारभ्य गेहेषु
पुष्पचक्रं विरच्यते ।
हस्तश्चारम्भकस्तस्मात्
हस्तो श्रावणसूचकः” ॥
Sridevi
“अभिनन्दनानि”
स्वातन्त्र्यं कस्य न प्रियम् (भागः 455) 08-08-2026
EPISODE – 455
नूतना समस्या –
“स्वातन्त्र्यं कस्य न प्रियम्”
प्रथमस्थानम्
“പാരതന്ത്ര്യം ന വാഞ്ഛന്തി
മനസാപി ന മാനിനഃ
പാരതന്ത്ര്യാത് മൃതിഃ ശ്രേഷ്ഠാ
സ്വാതന്ത്ര്യം കസ്യ ന പ്രിയം?“
Radhakrishnan
“अभिनन्दनानि”
