कोल्क्कत्ता – भारतस्य पूर्वतनलोकसभाध्यक्षः सि.पि.एम् दलनेता च सोमनाथचाट्टर्जीवर्यः कोल्क्कत्तायां दिवंगतः। गतचत्वारिशद्दिननि यावत्  श्वासनिरुद्धतया चिकित्सालये तीव्रपरिचरणविभागे प्रविष्टः। असमराज्ये तेजपुरे लब्धजन्मनः अस्य पितरौ निर्मल चाट्टर्जी, बीनापाणीदेबी च। दशवारं लोकसभासदस्यत्वेन कर्मनिरतः आसीदयं जनायत्तवादी २००४ तः २००९ पर्यन्तं यु.पि.ए सर्वकारस्य लोकसभाध्यक्षप्राप्त्या आभारतं प्रसिद्धिमाप्तवान्। अस्य भार्या रेणू, अनुराधा अनुषिला च अपत्ये।