तिरुवनन्तपुरम्- केरलराज्ये दिवसान् यावत् अनुवर्तमानां महतीं वृष्टिं तत्सम्बन्धीन् जलोपप्लवांश्च साक्षादवगन्तुं केन्द्रीयगृहमन्त्री राजनाथसिंह् वर्यः केरलानागच्छति। रविवासरे एव राजाथसिंहस्य नेतृत्वे केन्द्रसंघस्य आगमनम्। प्रलयबाधितप्रदेशे संघस्य सन्दर्शनं भविता। आपातकालीनसाहाय्यं केरलाय दातव्यमिति केरलस्थाः सभासदस्याः गृहमन्त्रिणं न्यवेदयन्।

     सममेव केरलस्य कृते अवश्यं साहाय्यं दास्यति इति केन्द्रसर्वकारः समसूचयत्। प्रधानमन्त्री नरेन्द्रमोदीवर्यः दूरवाणीद्वारा मुख्यमन्त्रिणमाहूय स्थितिगतीः अवालेकयत्। अस्माकं प्रातिवेशिकौ तमिल्नाटु-कर्णाटकप्रदेशौ अपि साहाय्यम् उदघोषयताम्।