कोट्टयम् – नवदम्पत्योः पतिः केविनस्य वधविषये आरोपिताः त्रयः आरक्षिदलेन बन्धिताः। त्रिवर्षदीर्घप्रणयस्यानन्तरं विवाहितयोः दम्पत्योः विवाहानन्तरं केवलं दिनान्येव अतीतानि। केविन् अतितीव्रमर्द्दनेन मृत इति सूचनाः उपलभ्यन्ते। तस्य नेत्रद्वयं वधोन्मत्तैः निर्गलितमिति वार्ताहराः वदन्ति। तदन्तरे आरक्षिदलस्य अलंभावः अस्मिन् विषये अस्तीति दलस्य प्रमुखानां स्थानचलनं सूचयति।