नवदिल्ली- रष्याराष्ट्रसन्दर्शनार्थं प्रधानमन्त्री नरेन्द्रमोदीवर्यः सन्नह्यति। द्वयोः राष्ट्रयोः मिथः उभयकक्षिबन्धवर्धनस्य भागत्वेन भवति सन्दर्शनम्। तत्र रष्या राष्ट्रपतिना व्लादिमिर् पुटिन् वर्येण सह अनौपचारिकः उच्चकोटिः भविष्यति। तदर्थं सोमवासरे प्रधानमन्त्री प्रस्थास्यते। आन्ताराष्ट्रविषयाः आतङ्कवादप्रभृतयः नैके विषयाः च द्वाभ्यां राष्ट्रनेतृभ्यां सह मेलने चर्चाविषयाः भवितारः। गतमासे मोदीवर्यः चीना राष्ट्रपतिना षी जिन् पिङ् वर्येण सह अनौपचारिकम् उच्चकोटिं सम्पादितवान्।