कासरगोड्- संस्कृताध्यापकफेटरेषन् इति सङ्घस्य राज्यस्तरीयाधिवेशने संस्कृतस्य आधुनिकीकरणप्रवृत्तानां महभागानां समादरः अभवत्। नववाणी जालपुटं, मोबैल् आप् इत्येतयोः समायोजकः सी.वी. जोस्, युवसंस्कृतपण्डितः तथा कविश्च हरिप्रसाद् कटम्पूर्, सम्प्रतिवार्ता इति जालपुटपत्रिकायाः मुख्यसम्पादकः हरिकुमार् अय्यम्पुषा इत्येते महाभागाः समारोहवेदिकायां पुरस्कारदानेन सह समादृताः।सङ्धस्यास्य द्विदिवसीयम् अधिवेशनं शनिवासरे समाप्तिमेष्यति।