बैय्जिङ् – चीना-पाकिस्तान् आर्थिकोपकक्षा अफ्गानिस्थानपर्यन्तं दीर्घीकर्तुं निर्णयः अभवत्। त्रयाणां राष्ट्राणां विदेशकार्यमन्त्रिणां मिथः चर्चायामेव निर्णयो जातः। निर्णयो/यं एषां राष्ट्राणां पुरोगतिं लक्ष्यीकृत्यैव स्वीकृत इति चीना विदेशकार्यमन्त्रालयस्य वक्ता अवदत्। अस्मिन् निर्णये भारतं प्रति विरुद्धता कापि नास्तीति तेन निगदितम्। अस्मिन् विषये भारतस्य आशङ्कायाः समाधानरूपेण चीनाधिकृतानाम् इयमुक्तिः