तृशूर्- ५८तमः केरलराज्यस्तरीयः विद्यालयकलोत्सवः जनुवरी मासे तृशूर् नगरे सम्पत्स्यते। कलोत्सवस्य मुख्यवेदिकायाः स्थूणारोहणं कृषिमन्त्री श्री सुनिल् कुमार् वर्यः निरवहत्। तृशूर् तेक्किन् काट् प्रदर्शिका स्थलमेव मुख्यवेदिका। तृशूर् जनपदीयानां सामाजिकानां सान्निध्ये आसीत् स्थूणारोहणम्। अत्रत्याः जनाः सन्तोषेण कलोत्सवं प्रतीक्षन्ते इति मन्त्री अवदत्।