तिरुवनन्तपुरम्- द्विदिवसीय सन्दर्शनार्थं राष्ट्रपतिः श्री. रामनाथ कोविन्दः श्वः केरलदेशं प्राप्स्यति। माता अमृतानन्दमयी महाभागायाः चतुष्षष्टितमे जन्मगिनसमारोहे भागभाक् भवितुमेव राष्ट्रपतेः आगमनम्। कोल्लं प्रदेशे आमृतानन्दमयीमठेन आसूत्रितानां क्षेमपद्धतीनाम् उद्घाटनं स निर्वक्ष्यति। तस्य सन्दर्शनहेतोः कोल्लं जनपदे अतिशक्ता सुरक्षा आयोजिता। राष्ट्रपतिपदप्राप्तेरनन्तरं रामनाथकोविन्दः प्रथमवारमेव केरलानागच्छति। तिरुवनन्तपुरं व्योमसेनानिलये केरलराज्यपालः ज. सदाशिवं महाभागः तथा मुख्यमन्त्री पिणरायि विजयश्च तं प्रत्युद्गमिष्यतः