काश्मीरे पैलट् भुशुण्डिकायाः दुष्प्रयोगविषयकस्य मिथ्यारोपस्य प्रमापनार्थं कस्याश्चित् गासा-क्षेत्रीयायाः युद्धाहतबालिकायाः कपटचित्रं संयुक्तराष्ट्रे सद्य प्रस्तुतवान् पाकिस्तानदेशः भारतेन गतदिने सार्वजिकरूपेण  पुनरेकवारं धिक्कृतः। संयुक्तराष्ट्रमहासभायाः वार्षिकाधिवेशने प्रत्युत्तराधिकारं प्रयुज्यमाना तत्रत्या भारतीया प्रतिनिधिः पौलोमी त्रिपाठी पाक्द्वारा प्रस्तुतस्य उक्तारोपस्य सन्दर्भे वास्तविकं प्रस्तावयन्ती अवदत् यत् अस्मिन् सन्दर्भे स्थितिः सर्वथा विपरीता विद्यते।