तिरुवनन्तपुरम्- बालानाम् अधिकारसंरक्षणाय सर्वैः एकीभूय प्रयतनीयमिति मुख्यमन्त्री पिणरायि विजयः अब्रवीत्। एतदर्थं तद्देशस्वयंभरणमेखलासु प्रवर्तमाना समितयः तासां प्रवर्तनानि ऊर्जितानि कर्तुं यतन्ताम् इति मुख्यमन्त्री प्रबोधयामास।

     सामान्यस्थलेष्वपि बालानाम् अरक्षितावस्था सञ्जायते। सर्वेषु सुरक्षितस्थलं गृहमेवेति सङ्कल्पः अस्ति। परन्तु तत्रापि दुरनुभवाः भवन्तीति समकालीनघटनाः सूच्यन्ते। बालाः विभिन्नाः समस्याः प्रतिदिनम् अभिमुखीकुर्वन्ति इत्यपि स न्यगादीत्।