कण्णूर्- उपजिल्लातल-तरणप्रतियोगितामध्ये नवमकक्ष्याछात्रस्य जले उपमज्यमरणम् उपलक्ष्य तलश्शेरि उपजिल्ला विद्याभ्यास अधिकारी, अध्यापकाश्चाहत्य नवजनाः निगृहीताः। तलश्शेरी जगन्नाथमन्दिरस्य वाप्याम् उपमज्य न्यूमाही एं.एं. उच्चतरविद्यालयस्थस्य हृत्विक् राज् इति छात्रस्य मृत्युमुपलक्ष्यैव एते निगृहीताः।

तलश्शेरि ए.इ.ओ. सनकन्, प्रतियोगितासमित्यामन्तर्भूताः अब्दुल् नसीरि, मुहम्मद् सक्करिया, मनोहरन्, करुणन्, वी.जे.जयमोल्, पी.षीन, सोफिन् जोण्, सुधाकरन् पिल्ला प्रभृतयः एव रक्षिसंघेन निगृहीताः। भारतीयदण्डनियम ३०४ ए अनुसारं नरहत्याविषये व्यवहारः पञ्चीकृतः।