कोच्ची- पद्मावती इति चलचित्रं तस्य निदेशकं लीला बन्साली वर्यं च विरुद्ध्य क्रियमाणेन प्रतिषेधेन आविष्कारस्वातन्त्र्यं हन्यते इति वादमुदीर्य आराष्ट्रं चलचित्रमण्डलं ह्यस्तने १५ निमेष पर्यन्तं चित्रीकरणं स्थगयन् प्रतिषेधं प्राकटयत्। परन्तु तस्मात् प्रतिषेधात् मलयालचलचित्रप्रवर्तकाः व्यतिचक्रमिरे। पञ्च चलचित्राणां चित्रीकरणानि अत्र प्रचलन्ति आसन्। क्वचिदपि प्रतिषेधशब्दं न श्रुतमित्येतत् अत्रत्यानां प्रतिषेधः केवलं वाचिमात्रमेवेति दृढमभवत्।