केरलसर्वकारस्य ओणं विशेष धनभाग्ययोगे २५ कोटि रूप्यकाणां प्रथमपुरस्कारराशिः तिरुवनन्तपुरं श्रीवराहं देशीयेन अनूप् इति युवकेन स्वायत्तीकृता। स्वापत्यस्य धनसञ्चयपेटिकां प्रभञ्ज्य चिटिकास्वीकारार्थं धनम् अनेन स्वरूपितम्। स त्रिचक्रिकाचालकः भवति। मनसि भाग्यदेवताकटाक्षस्य सन्तोष एवास्ति, भविष्यकार्यक्रमाः न निर्णीता इत्यपि अनूपेन वार्ताहराः निगदिताः। स वृत्यर्थं मलेष्यां गन्तुं सन्नाहः कुर्वन्नासीत्।