तिरुवनन्तपुरम्- केरला पोलीस् इति आरक्षिदलस्याधीने समायोजितायां स्टुडन्ट् पोलीस् कैडट् इति पद्धत्यां धर्मपरः वेषः नानुवदनीय इति राज्यसर्वकारः असूचयत्। लिङ्गनिरपेक्षं गणवस्त्रमेव कैडट् छात्राणां वेषः। अस्मिन् धर्मपरः चिह्नः नानुवदनीयः।

हिजाब् तथा दीर्घहस्तनिचोलश्च अनुवदनीयः इति सूचयन्ती काचन छात्रा उच्चन्यायालयं समुपगता आसीत्। वस्तुतेयं परीक्ष्य आवेदनीया इति न्यायालयः सर्वकारं निरदिशत्। अस्य प्रतिवचने एव सर्वकारः स्वकीयं निर्णयमसूचयत्।