उत्तरप्रदेशे कोविड् रोगबाधया मन्त्रिणः मृत्युः,

केन्द्रीय गृहमन्त्री अमित्षा वर्यः कोविड् बाधितः अभवत्।

  नवदिल्ली-    उत्तरप्रदेशे मन्त्रिमण्डलसदस्या तान्त्रिकशिक्षाविभागमन्त्री च कमलराणी वरुण् वर्या कोविड् बाधया मृता। जूलै १८ दिनाङ्के तस्यां रोगबाधा स्थिरीकृता आसीत्। अतः लख्नौ चिकित्सालये चिकित्सायां वर्तमाना अद्य प्रातः दिवंगता अभवत्। अस्मिन्नन्तरे केन्द्रीयगृहमन्त्री अमित्षा वर्यः कोविड् बाधितः सन् चिकित्सालयं नीतः। आराष्ट्रं रोगिणां संख्या मृत्युसंख्या च अनुदिनं वर्धते।

केरलेषु अद्य ११६९ जनाः कोविड् बाधिताः सन्तीति आवेदयति। एषु ९९१ जनेषु सम्पर्केणैव रागबाधा सञ्जाता। शिष्टाः विदेशेभ्यः इतरराज्येभ्यश्च आगत्य सम्पर्कनिरोधे स्थिताः आसन्। एकस्य रोगिणः मरणमपि अद्य आवेदितम्।