तिरुवनन्तपुरम्- सूचना-तान्त्रिकविद्या सचिवः एं शिवशङ्करवर्यः विरामाय प्रार्थनामदात्। सुवर्णवहनव्यवहारे लग्नया स्वप्ना सुरेष् इति युवत्या सह सम्बन्धमारोप्य सः सचिवपदव्याः निष्कासितः आसीत्।
एतदनन्तरमेव स विरामाय प्रार्थनापत्रमदात्। षण्मासपर्यन्तं विरामं स्वीकर्तुम् अनुमत्यै एव स प्रार्थितवान्।
ऐक्य अरब् राष्ट्रव्यूहे वाणिज्यदूतकार्यालयसम्बन्धिनि व्यवहारे मुख्याभिशस्तेति सन्दिह्यमानया स्वप्ना सुरेष् इति युवत्या सह शिवशङ्करस्य अतिपरिचयः अस्तीति सूचनया बह्यः उक्तयः आसीत्। विपक्षिदलनेता रमेश् चेन्नित्तला, भा.ज.पा. राज्यस्तरीयाध्यक्षः के. सुरेन्द्रन् च मुख्यमन्त्रिणं शिवशङ्करं च तीक्ष्णरूपेण विमर्शितवन्तौ।

सुवर्णवहने लग्नानां कृते मुख्यमन्त्रिणः कार्यालयेन सम्बन्धः अस्तीति विपक्षारोपम् अभिलक्ष्यैव ऐ.टी. सचिवं स्वस्थानात् निरकासयत्।