कोच्ची- चलचित्रेषु नाटकेषु दूरदर्शनधारावाहिकासु च अभिनयप्रतिभां प्रदर्शितः नटः कलाशाला बाबू दिवंगतः। मस्तिष्काघातकारणात् एरणाकुलस्थे निजीयचिकित्सालये आसीत् अस्यान्त्यम्। हृदयसम्बन्धेन आमयेन समीपकाले चिकित्सायामासीत्। चलचित्रेषु सहनटरूपेण प्रतिनायक रूपेण चास्य अभिनयपाटवम् अतुल्यमासीत्। नाटकरंगे स्वीयां प्रतिभां प्रकटयन्नयं चलचित्रलोकमागतः।

     कथाकेलिमण्डले प्रसिद्धः आचार्यः कलामण्डलं कृष्णन् नायर् तथा मोहिनियाट्ट रंगे प्रसिद्धा नर्तकी कलामण्डलं कल्याणिक्कुट्टियम्मा चास्य पितरौ। नैकासु दूरदर्शनधारावाहिकासु चाभिनीय अयं स्वकीयामतुलां प्रतिभां प्राकटयत्।