तिरुवनन्तपुरम्- काश्मीरराज्ये कत्तुवा देशे आसिफा नामिका बालिका मन्दिरान्ते संपीड्य मारिता इत्यस्मिन् विषये एकैको/पि भारतीयः तां बालिकां क्षमां याचेत इति विख्याता आभिनेत्री मञ्जू वार्यर् अवदत्। तस्य बालिकाकुसुमस्य जीवने विकल्परूपेण अन्यत् किमपि नास्ति। एतादृशायां घटनायां जनरोषः प्रवर्धते तथापि घटनायाः आवर्तनं इतरत्र सम्भवति। अस्माकं नीतिन्यायव्यवस्था यथा प्रबला भवति तदानीमेव कत्तुवा समाना क्रूरा घटना अस्तं यास्यति इत्यपि सा सूचितवती।