तिरुवनन्तपुरम्- ग्रीष्मविरामकाले विद्यालयेषु विशेषकक्ष्याप्रचालनविषये सामान्यशिक्षाविभागस्य जाग्रतानिर्देशः। निर्देशं विरुद्ध्य कक्ष्याप्रचालने यतते चेत् तीक्ष्णः दण्डः भवेदिति शिक्षाविभागः सूचनामदात्।

     केचन विद्यालयाः विरामकाले कक्ष्यां प्रचालयन्तीति अनुसूचनयैव शिक्षाविभागस्यायं निर्णयः। सी.बी.एस्.ई. ऐ.सी.एस्.ई. सहितानां सर्वेषां विद्यालयानां बाधको/यं निर्णयः। छात्राःक्रीडायां सामाजिकसम्पर्के च रताः भवेयुः इति विभाव्यैव एवं विज्ञापनं कृतमस्ति।

     पूर्वानुमत्या सप्तदिवसीयं शिबिरमायोजयितुं निरोधः नास्तीत्यपि विज्ञापने सूचितम्।