सर्वोच्चन्यायालयस्था प्रतिसन्धिः, चर्चा अद्यापि अनिवर्तते। लोया व्यवहारात् न्यायाधिपः अरुण् मिश्रा प्रतिनिवृत्तः।
![](https://navavani.org.in/wp/wp-content/uploads/2018/01/Screenshot_2018-01-17-07-54-56-257_com.eterno.png)
नवदिल्ली – मुख्यन्यायाधीशं विरुद्ध्य चत्वारः वरिष्ठन्यायाधिपाः वार्ताहरसम्मेलनमकुर्वन्निति विषये सर्वोच्चन्यायालये प्रतिसन्धिपरिहारार्थं चर्चा अद्यापि अनुवर्तते। अद्य मध्याह्ने मुख्यन्यायाधीशः अन्यैः न्यायाधिपैः साकं भोजनं करिष्यति। एतन्मध्ये विवादविषयान् चर्चया परिहरिष्यति इति न्यायाधिपाः असूचयन्। गतदिने मुख्यन्यायाधीशः चतुर्भिः न्यायाधिपैः साकं चर्चामकरोत्। तस्यानुस्यूततया अद्यतनी चर्चा।
तदन्तरे सी.बी.ऐ. न्यायालयस्य न्यायाधिपस्य बी.एच्. लोया वर्यस्य दुरूहमरणसम्बन्धिनम् आवेदनं परिगण्यमानात् व्यूहात् न्यायाधिपः अरुण् मिश्रा प्रतिन्वृत्तः। कनिष्ठं तं एतद्ववहारपरिगणनायां न्ययोजयत् इति विषये चत्वारः न्यायाधिपाः प्रतिषेधे आसीत्। अस्मिन् साहचर्ये प्रश्नपरिहारार्थं ज. मिश्रा व्यवहारात् प्रतिनिवृत्तः इति सूचना अस्ति।
Leave a Reply