कोल्लम्- कोल्लं जनपदे चवरा देशे अयोनिर्मितः पुरातनः सेतुः भित्वा जले पतितः। अस्यां दुर्घटनायां एका मृता, विंशतिपरिमिताः आहताः सन्तः कोल्लं जनपदचिकित्सालयं प्रवेशिताः। चवरा देशीया श्यामला देवी एव मृता। प्रातः ११ वादने आसीत् दुर्घटना। के.एं.एं.एल्. संस्थायाः कर्मकराः एव अपघाते पतिताः। तद्देशीयस्य राष्ट्रिय जलमार्गस्य तिरश्चीनतया  बहोः कालात् पूर्वं निर्मितः आसीत् अयोमयः सेतुः।