नवदिल्ली- भारते नूतनं संसद् भवनं प्रवर्तनाय सज्जमभवत्। अद्य प्रातः अस्य संसद्भवनस्य लोकार्पणं प्रधानमन्त्री नरेन्द्रमोदीवर्यः निरवहत्।

इदं नूतनं भवनं न केवलं प्रगतेः सूचकम् अपि तु राष्ट्रीय भावनामपि प्रकटयति इति प्रधानमन्त्रिणा निगदितम्। तेन इदमपि सूचितं यत् नूतनं संसद् भवनं प्रत्येकं भारतीय गौरवान्वितं करिष्यति इति।
बहूनां सन्यासिनां सान्निध्ये एव लोकार्पणकर्म प्रचलितम्।

अस्मिन् समारोहे राष्ट्रपतिः द्रौपदी मुर्मूवर्या न निमन्त्रिता इति सूचयन्तः विपक्षदलाः उद्घाचनकर्मणि भागं न जग्रुः।